Delhi Metro Me Samaan Kho Gaya? Find Kaise Kare – 2026 Full Guide
Delhi Metro mein travel karte waqt agar aap apna bag, wallet, ya phone ya kuch bhi keemti saaman bhool gaye hain, toh ghabraiye bilkul nahi. Yeh situation kisi ke bhi saath ho sakti hai. DMRC (Delhi Metro Rail Corporation) ka lost and found system kaafi organized and helpful hai, agar aap sahi steps follow karte hai, toh aapka saaman return milne ke chances high hojate hain.
Is full guide mein hum aapko batayenge ki Delhi Metro lost and found process kiss tarah work karta hai, important helplines numbers konse hain, aur aap apna saaman kaise claim kar sakte hain.
Sabse Pehle Kya Karna Hai?
Agar aapko abhi yaad aaya ki aap Delhi metro mein kuch samaan bhool gaye hain, toh immediate action lena bahut zaroori hai.
- Metro Station ka Name, Time aur konsi line hai ye yaad rakh le.
Kis station se chadh rahe the, kis line pe the, approx kitne baje hoge etc etc. - Metro Station Controller se miliye: Jiss station par aap utre hain,agar aap wahi hai to wahan turant Station Controller ke office me jaayein. Agar train abhi abhi gayi hai, toh veh next station par inform kar sakte hain.
- Ya Helpline Number par call karein:
Agar aap station se bahar aagaye to iss number pe call kare: ☎ 155370 – 7 AM se 10 PM tak active hai. - Lost item ki details note karwayein: Usko bataye ki aapka item kya tha (color, brand, any identification mark), aap kis time safar kar rahe the, aur coach number kya tha (agar yaad ho to).
- Check nearby stations: Kabhi kabhi koi doosra passenger item ko security ya customer care ko de deta hai iss liye nearby station check kare
DMRC Lost and Found Office Location and Timings
Aapke lost item ko 7 days ke under under nearby Metro Station ke Customer Care Centre par visit karna hoga. Wahan se aap apna samaan le sakte ho. Incase Agar aapka item station par nahi milta hai, toh chances hain ki usse Central Lost and Found Office bhej diya gaya hoga. Iss liye 7 days ke baad aapko Central Lost and Found Office par contact karna hoga, Yeh office Kashmere Gate Metro Station par located hai.
- Location: Kashmere Gate Metro Station (Mezzanine Floor, near Red Line/Yellow Line interchange).
- Timings: 8:00 AM to 8:00 PM (Monday to Saturday).
- Closed on: Sundays and National Holidays.
🚫 Important Note:
Agar aap 1 month ke under under tak samaan claim nahi karte ho (DMRC ke case mein), ya 1 saal tak (Rapid Metro), toh woh samaan dispose kar diya ja sakta hai.
Important Contact Numbers
Ghar baithe enquiry karne ke liye aap in numbers par call kar sakte hain:
- DMRC Helpline: 155370 (24×7 service)
- Lost & Found Office Contact Number-Mobile: 8527405555 (Direct number)
- Land line Number – 011-23417910, Extn: 113701
Pro Tip: Call karte waqt apni travel details and lost item details ready rakhe, jaise ki date, time, aur route. officials aap se ye sab details pooche ge.
Required Documents to Claim Your Items
Jab aap apna saaman lene jaayein, toh khaali haath na jaaye. Verification ke liye DMRC staff aapse kuch documents maangega:
- Valid ID Proof: Aadhaar Card, PAN Card, Driving License, or Voter ID (Original + Photocopy).
- Proof of Ownership: Agar phone ya laptop hai, toh uska bill ya box ki photo dikhani pad sakti hai. Agar bag hai, toh uske andar ka content batana hoga.
Check your item online on Delhi Metro Site
Delhi Metro ke official website par aap apna lost hua item or saaman check kar sakte hai,Yaha par item ka name, iski full details and kis metro station par mila and konsi date and time ko mila, sabhi upload kiya jata hai. ye ek accha option hai, iss ki through aap aur easily online hi confirm kar sakte ho ki aapka ve lost hua saaman or item mila hai ya nahi, check karne ki official link ye hai: 🔗 https://www.delhimetrorail.com/lost-found Iss website par jake aap “List of lost items” button par click karke check karsakte hai.
Next Time Travel Ke Liye Helpgul Tips
- Apne bag pe name tag + phone number zarur chipkaaye.
- Metro Interchange stations pe thoda extra careful rahe.
- Metro’s MyJourney App use karein real-time support ke liye.
Conclusion
Delhi Metro safe hai, lekin bheed me saman chhoot sakta hai, ye normal baat hai. DMRC ka Lost & Found system fast aur reliable hai. Bass thoda sa proactive rahe, aur upar diye gaye sabhi steps ko follow kare. Apka saman milne ke chances kaafi high hojate hain.
Agar aapko ye guide helpful lagi ho toh iss blog ko share kare, maybe kisi aur ka bhi phone ya bag ya keemti item wapas mil jaaye.
Frequently Asked Questions (FAQs)
Q1: Agar mera phone chori hogaya hai toh kya karein?
Agar aapka phone chori hua hai, toh yeh ‘Lost and Found’ ka case nahi hai. Aapko turant nearest Metro Police Station mein FIR karwani chahiye.
Q2: DMRC items ko kab tak rakhta hai?
Generally, items ko 1 mahine tak rakha jata hai. Uske baad DMRC unhe dispose ya auction kar sakta hai.
Q3: Kya main kisi aur ko bhej sakta hoon item collect karne ke liye?
Haan, lekin unke paas aapka authorization letter aur aapki ID proof ki copy honi chahiye, saath hi unka apna ID proof bhi.
Q4: Phone kho gaya, kya mil sakta hai?
Haan, agar kisi ne handover kiya ho toh aapko wapas mil sakta hai. Form me IMEI no. zarur daalein.
Q5: Bag me important papers the, kya original ID dikhani padegi?
Haan, saman lete waqt ek ID proof aur acknowledgment form sign karna hota hai.
Q6: Metro card kho gaya hai, uska kya?
Metro card block karwa ke naya le sakte hain. Travel amount refund nahi hota.
