Delhi Lakhpati Bitiya Yojana 2026: Apply Online, Form Date & Benefits

Kya aap Delhi me rehte hai aur apni beti ke future, padhai, health aur shadi ki tension me hai? Agar aap purani “Delhi Ladli Yojana” ka form dhoond rahe hain, toh aapke liye ek bahut badi aur achi khabar hai!

Delhi Sarkar ne betiyon ko independent banane ke liye ek historic faisla liya hai. 1 April 2026 se Delhi me ek nayi aur pehle se kahi badi scheme shuru hone ja rahi hai jiska naam hai “Delhi Lakhpati Bitiya Yojana”.

Is yojana ke tehat sarkar beti ke naam par ₹56,000 alag alag phases me jama karegi. Ek family ki 2 girl child ko ye paise maturity par diye jayege. Ye paisa SBI Life ke madhyam se surakshit invest kiya jayega, jo samay ke saath badhkar ₹1 Lakh se adhik ki majboot poonji ban jayega.

Chaliye jante hai is scheme ki details, installments ka hisaab, kon eligible hai, aur iska form bharne ke liye aapko kin documents ki zaroorat padegi.

Lakhpati Bitiya Yojana 2026: Quick Highlights

Maturity Amount Kab Aur Kitna Milega?

Purani Ladli yojana ke mukable iss updated scheme me paisa bahut zyada aur sahi waqt par mil raha hai. 20000 rupee badha diye gaye hai. Sarkar is paise ko do main hisson me bategi: Birth se School tak aur Higher Education ke liye.

1. Janm Se School Tak Ka Sahara

Bacche ke paida hone se lekar uske school ki padhai tak sarkar iss tarah financial madad karegi:

• Janm Par (At Birth): ₹11,000
• Class 1 me aane par: ₹5,000
• Class 6 me aane par: ₹5,000
• Class 9 me aane par: ₹5,000
• Class 10 Pass karne par: ₹5,000
• Class 12 me Admission) par: ₹5,000

2. Higher Education Me Pura Sahyog

Beti jab college jayegi, tab padhai ka kharcha aur badh jata hai. Isliye sarkar ne graduation ke liye alag se budget rakha hai iss updated scheme me:

• Professional Diploma mein pravesh: ₹5,000
• Graduation Pratham Varsh (1st Year): ₹5,000
• Graduation Dwitiya Varsh (2nd Year): ₹5,000

Note: Ye total amount ₹56,000 banta hai, jo sarkar SBI Life me jama karegi. Interest judne ke baad jab beti badi hogi, toh use 1 Lakh rupaye se zyada ki rakam ek saath milegi.

Eligibility Criteria Kon Apply Kar Sakta Hai?

Abhi official portal aur detailed guidelines aana baaki hai, lekin Delhi sarkar ki pichli schemes (jaise Ladli Yojana) ke aadhar par, apply karne ke liye ye sharte hai:

1. Delhi Ka Niwasi: Parivar kam se kam pichle 3 saal se Delhi me reh raha ho.
2. Income Limit: Aarthik roop se kamzor (EWS) ya ek nishchit aamdani wale parivar iska labh utha sakenge (Official income limit jald announce hogi).
3. Beti Ka Janm: Beti ka janm Delhi ke kisi hospital ya ghar par proper registration ke saath hua ho.
4. Beti ka recognized school se padhna zaruri hai
5. 18 saal se pahle bacchi ki shadi nahi honi chahiye
6. bacchi ka vaccination hona zaruri hai

Important Required Documents List

1 April 2026 ko jaise hi form niklege, rush bahut zyada hoga. Isliye ye documents abhi se file me laga kar rakh le:

• Beti ka Birth Certificate (MCD ya NDMC dwara jaari).
• Parents ka Aadhaar Card aur Voter ID Card (Delhi ka).
• Address Proof (Bijli ka bill, Ration card).
• Income Certificate (Aay Praman Patra – SDM office se bana hua).
• Mata/Pita ya beti ka Bank Account Passbook (Aadhaar se link hona zaroori hai).
• Passport size photos.

Delhi Lakhpati Bitiya Yojana Ka Form Kaise Bhare?

Yeh scheme 1 April 2026 se officially shuru hone ja rahi hai.

Jaise hi WCD (Women and Child Development) Department ya e-District Delhi portal par iska online link active hoga, ham iss post me Step-by-Step form bharne ka process aur Direct Link update kar denge.

Delhi Labour Card Update: Kya aap jante hain? Agar aapke paas ‘Labour Card’ hai, toh beti ki shadi par ₹51,000 aur scholarship alag se milti hai. Labour Card apply karne karne ke liye yaha click kare 👉 Delhi Labour Card

Aksar Puche Jane Wale Sawal (FAQs)