Ayushman Vaya Vandana Card: Ab 70+ Umar ke Sabhi Buzurgon ka Ilaj Hoga Muft
India ki har middle class family ki sabse badi chinta ye hoti hai ki Ghar ke buzurgon ki sehat ko kaise theek rakhe.
Jaise jaise mata pita ki umar badhti hai, diffrent diffrent types ki bimariya parents ko gher leti hain, hospital ke chakkar aur dawaiyon ka kharcha bhi badhta chala jata hai. Private health insurance company ya toh 70 saal ke baad insurance deti nahi, ya premium itna zyada maangti hain ki dena mushkil ho jata hai. Isi dard ko samajhte hue sarkar ne launch kiya hai Ayushman Vaya Vandana Card.
Ab chahe aap gareeb hon ya ameer, agar aapki umar ya aapke parents ki umar 70 saal ya usse zyada hai, toh aapko Delhi Govt ki taraf se ₹10 Lakh tak ka muft ilaj milega. Sabse badi baat? Isme koi Income Limit nahi hai.
Aaiye jaante hain ki ye card kaise banega aur kin logon ko iska fayda milega.
Ayushman Vaya Vandana Yojana Kya Hai?
Ye purani Ayushman Bharat scheme ka hi ek “Special Upgrade” version hai.
Pehle Ayushman card sirf gareeb (BPL) families ka banta tha. Lekin Ayushman Vaya Vandana card un sabhi logon ke liye hai jinki umar 70+ hai aur iss card ko bana ne ke liye ab koi income limit nahi hai. And Delhi sarkar 5 nahi balke 10 lakh tak ka health care iss card ke through provide kar rahi hai.
Iss card ke 3 Bade benefits:
- Sabke Liye Free: Aapke paas car ho, AC ho, ya achi pension aati ho, koi fark nahi padta. 70+ hain toh card banega.
- Separate 5 Lakh: Agar aapke parivar ke paas pehle se Ayushman card hai, toh buzurgon ke liye ye alag se extra ₹5 Lakh ka top-up hai.
- Cashless Treatment: Hospital mein admit hone par aapko ek paise nahi dene.
Eligibility: Kaun Ye Card Banwa Sakta Hai?
Yahan log aksar confuse hote hain:
- Age Limit: Aapki umar Aadhaar Card ke hisaab se 70 saal puri honi chahiye. Agar Aadhaar mein ek din bhi kam hai, toh system reject kar dega.
- Aadhaar is Must: Sirf Aadhaar card hi chalega. Voter ID ya Pan Card se ye apply nahi hoga.
- E-KYC Zaroori: Kyunki ye card senior citizens ke liye hai, isliye face auth ya fingerprint scan zaroori hai.
Private Insurance vs. Ayushman Vaya Vandana
Kyun aapko ye card aaj hi banwana chahiye? Ye table dekhein:
| Feature | Private Insurance (70+) | Ayushman Vaya Vandana |
| Premium (Kharcha) | ₹30,000 – ₹50,000 saal ka | Bilkul FREE (₹0) |
| Pre-existing Disease | Purani bimari cover nahi hoti (waiting period) | Day 1 se sab cover |
| Income Limit | Koi bhi le sakta hai | Koi bhi le sakta hai |
| Limit | Jitne ka plan lo | ₹10 Lakh / Year |
Card Banane Ke Liye Documents
Aapko lamba chauda paperwork nahi karna. Sirf 2 cheezein chahiye:
- Aadhaar Card: Jisme Date of Birth sahi ho.
- Mobile Number: Jo Aadhaar card se link ho (OTP ke liye).
Apply Kaise Karein? (Ghar Baithe Mobile Se)
Cyber cafe jane ki zaroorat nahi hai. Aap apne smartphone se 5 minute mein apply kar sakte hain.
Step 1: App Download
Play Store se “Ayushman App“ (National Health Authority wala) download karein.
Step 2: Login as Beneficiary
Mobile number dalein aur OTP se login karein.
Step 3: Search Beneficiary
Scheme mein “PMJAY” select karein aur Sub-Scheme mein “Ayushman Vaya Vandana (70+)” chunein. Apna Aadhaar number dalein.
Step 4: E-KYC (Sabse Important)
Ab aapko KYC karna hoga.
- Jugaad Tip: Agar buzurgon ke fingerprint scan nahi ho rahe (aksar skin loose hone se dikkat aati hai), toh “Face Auth” option use karein. Bas phone ke camera ke samne unka chehra dikhayein aur verify karein.
Step 5: Download Card
Verify hote hi card turant download ho jayega. Iska print nikalwa kar laminate karwa lein. Iss app par aur bhi details check karne ki facility available hai, jaise: Eligibility check, Wallet Balane check, and aap aapke nearby hospital bhi pincode dal kar find kar sakte hai.
Agar Aadhaar Mein Umar Galat Hai Toh Kya Kare?
Bahut se buzurgon ke Aadhaar card purane bane hue hain aur un mein sirf “Year of Birth” (Jaise: 1954) likha hota hai, puri date day and month ke saath nahi hoti hai.
Solution:
- Agar Aadhaar mein sirf saal (Year) likha hai, toh system 1st January ko birthdate maanta hai.
- Agar aapki umar Aadhaar ke hisaab se 70 se kam aa rahi hai, toh pehle Aadhaar Center jakar Date of Birth update karwayein.
- 10th ki marksheet ya Birth Certificate na ho, toh CMO (Chief Medical Officer) se age proof certificate banwa kar Aadhaar update karwa sakte hain.
Conclusion:
Dosto, 70 ki umar ke baad dawa ka kharcha pension ki amount kha jata hai. Ayushman Vaya Vandana Card buzurgon ke liye ek vardaan hai Jis me Delhi residents 10 lakh tak ka health care pasakte hai. Aaj hi apne dada dadi ya nana nani ka card banwayein.
Koi dikkat aa rahi hai? Neeche comment karein, hum aapki madad karenge.
