Ayushman Bharat Hospital List Near Me Delhi
Dosto, Agar aapke paas Ayushman Bharat Card ya naya Ayushman Vaya Vandana Card (Jo 70+ bujurgo ke liye) hai, toh sabse bada sawal ye hota hai ki Ilaj kahan karwayein? Delhi me hazaron hospitals hain, lekin sabhi Ayushman card accept nahi karte. Isliye humne Delhi ke 193 Registered Hospitals ki complete list yaha filter karke lagadi hai.
Is list mein 51 Sarkari, 142 Private, aur 70 NABH Accredited (Best Quality) hospitals shamil hain.
Iss Delhi Ayushman Hospitals ki List Ko Kaise Use Karein?
Iss list me sabhi approved hospitals hai. Aap ise apni suvidha ke hisaab se use kar sakte hain:
- Search Box: Neeche diye gaye box mein apne area ka naam likhe (Jaise: Rohini, Dwarka, ya Laxmi Nagar). Table apne aap filter ho jayegi aur ve hospital aapke saamne hoga.
- Govt and Private hospitals ko filter kar sakte hai
- Map Feature: Har hospital ke aage Get Direction button hai. iss par click kar ke Google Map par hospital ka raasta dekh sakte hai
🏥 Delhi Ayushman Hospitals
Search Government, Private & NABH Accredited Hospitals
NABH vs. Non NABH Aapko Kaha Jana Chahiye?
Iss table mein aapko ek column dikhega “NABH”. Iska matlab samajhna zaroori hai:
- NABH Accredited: Ye wo hospitals hain jinke paas safety aur safai ka “Gold Standard” certificate hai. Agar aap koi badi surgery jaise (Heart, Knee, Cancer) karwa rahe hain, toh koshish karein ki NABH hospital hi choose kare.
- Non-NABH (Private): Ye hospitals bhi ache hote hain par inke paas special accreditation nahi hota. Choti moti bimari jiase (Fever, Dengue, Chota Operation) ke liye ye behtar hain kyunki yahan bheed kam milti hai.
Agar Hospital Ayushman Card Lene Se Mana Kare Toh?
Kabhi kabhi private hospitals bahana banate hai ki “Bed khali nahi hai” ya “Server down hai.” Aise me aapko ye karna hai:
- Hospital mein avaiable“Ayushman Mitra” (Help Desk) se mile.
- Agar wo na sune, toh turant 14555 (National Helpline) par call kare.
- Aap Grievance Portal par online shikayat bhi kar sakte hai.
Zaroori Documents Jate Waqt Sath Le Jayein
Hospital jane se pehle ye file ready rakhe taaki wahan bhagna na pade:
- Original Ayushman Card (Digital ya Print).
- Aadhaar Card (Authentication ke liye).
- Purani Doctor ki Parchi/Report (Agar refer kiya gaya ho).
Conclusion: Dosto, bimari bata kar nahi aati. Isliye ye list apne phone me save rakhe aur apne Delhi wale rishtedaron ke saath Share zaroor kare. Sahi samay par sahi hospital milna kisi ki jaan bacha sakta hai.
