EWS Admission Delhi 2026-27 Online Form, Age Limit & Required Documents

Helllo Dosto! Har parents chahte hai ki unka baccha Delhi ke top private schools me education hasil kare aur aage badhe. Agar aap bhi apne bacche ki FREE padhai ke liye EWS admission Delhi 2026-27 ke notification ka wait kar rahe hai, toh aapke liye sabse badi khushkhabri aa chuki hai. Directorate of Education (DoE) ne academic session 2026-2027 ke liye EWS, DG, aur CWSN (Children with Disabilities) category ke form ka official notification jaari kar diya hai.

Choti si galti ki wajah se har saal hazaron form reject ho jate hai. Isliye form bharne se pehle iss article me diye gaye naye niyam, umar (age limit), aur zaroori documents ki list ko dhyan se padhe.

Aaj hum aapko batayege ki how to apply for EWS admission in Delhi, aur form bharne se pehle kinn niyam, rules, aur documents ka dhyan rakhna hai.

🚨 LATEST UPDATE (Official Schedule 2026-27): Sarkar dwara jaari circular ke anusar, EWS/DG/CWSN category ke online form 21.02.2026 se shuru ho chuke hai. Form bharne ki last date 16.03.2026 tay ki gayi hai. Lottery (Draw) ki tareekh jald hi alag se batayi jayegi.

Form Bharne Se Pehle 3 Sabse Zaroori Niyam (Strict Rules)

Iss saal Delhi sarkar ne form bharne ke niyam bahut sakht kar diye hai:

1. Aay Praman Patra (Income Certificate) Ki Date: EWS category ke liye pariwar ki saalana aay ₹5 lakh se kam honi chahiye. Sabse zaroori baat; aapka income certificate form ki aakhiri tareekh yani 16.03.2026 se pehle issue hua hona chahiye. Agar aapne sirf apply kiya hai ya certificate 16 March ke baad banta hai, toh usse valid nahi mana jayega.
2. Ek Mobile Number, Ek Form: Ek mobile number ka istemal karke sirf ek hi registration kiya ja sakta hai. Agar kisi ne ek bacche ke liye ek se zyada form bhare, toh admission draw me naam aane ke baad bhi cancel kar diya jayega.
3. Address Verification: Form me apna Locality, Sub-locality aur Sub-sub-locality ekdum sahi bhare. Agar pasandeeda school paane ke chakkar me galat address bhara gaya, toh admission turant cancel hoga.

Age Criteria for EWS Admission Delhi 2026-27

Bacche Ki Age Kis Class Ke Liye Kitni Honi Chahiye?

Delhi Sarkar ke naye circular ke anusar, bacche ki age 31 March 2026 tak gini jayegi. Form bharne se pehle apne bacche ki age zaroor check kare. Aasaan bhasha me samajhne ke liye apni category ke hisaab se neeche diya gaya chart dekhe:

1. Aam (EWS & DG) Category Ke Liye:

(Agar aay ₹5 lakh se kam hai ya aap SC/ST/OBC hai, toh iss chart ko dekhe)

2. CWSN (Divyang / Special Needs) Bacchon Ke Liye:

(In bachchon ko umar me thodi chhoot di gayi hai.)

EWS Admission Delhi Documents Required

Delhi EWS admission form bharte time aapko apne documents upload karne hoge. Dhyan rahe, sabhi scanned documents .pdf format me hone chahiye aur unka size 200 KB se zyada nahi hona chahiye.

Yahan dekhiye zaroori kaagzaat ki list:

• Janam Praman Patra (DOB Proof): Birth Certificate, Hospital/ANM register record, ya Anganwadi record.
• Income Certificate: Delhi sarkar dwara jaari Income Certificate (₹5 lakh se kam) ya BPL/AAY Ration Card/Food Security Card.(Sirf EWS category ke liye).
• Caste Certificate: (Sirf DG category ke liye jaise SC/ST/OBC).
• Disability Certificate: (Sirf CWSN category ke baccho ke liye).
• Address Proof: (Bacche ke naam wala Ration Card, Domicile certificate, Voter ID, Bijli/Pani ka bill, ya Passport).
• Aadhaar Card: Bacche ke saath saath dono mata pita (Parents) ka Aadhaar Card.
• Photograph: Bacche ki ek clear passport size color photo. (Format: .jpg, .jpeg, ya .png, Size: 20 KB se 50 KB ke beech).
• Legal Guardianship Documents (Agar laagu ho): Agar bacche ke dono mata-pita jivit nahi hai, toh ‘Legal Guardianship Order’ aur dono mata pita ka ‘Death Certificate’ upload karna anivarya hai.

How to Apply for Delhi EWS Admission Form Online

Jab aap EWS admission online apply karne baithe, toh inn official instructions ko step-by-step follow kare:

1. Official Portal: Sabse pehle Directorate of Education par jaye aur “EWS/DG Admission link” Registration for New Applicant” button par click kare.
2. Category Selection: Apni category (EWS / DG / CWSN) dhyan se chunein. Ek baar form submit hone ke baad category change nahi ki ja sakti.
3. Sahi Details Bharein: Class, category, mobile number, birth certificate number, child ka name, gender, and date of birth, total annual income fill kare. bilkul waisi hi bhare jaisi Aadhaar Card aur Birth Certificate me likhi hui hai.
4. Documents Upload: Bataye gaye size (200KB PDF aur 50KB Photo) ke hisaab se sabhi clear copies upload kare.
5. Review & EDIT: OTP dalne ke baad final submit karne se pehle Preview section me saari details check kare. Agar koi galti hai toh “EDIT” option ka use kare. (Submit hone ke baad koi correction allowed nahi hoga).
6. Print Acknowledgement: Form successfully submit hone ke baad, apna Application Number / Acknowledgement receipt zaroor note kar le ya print nikal le. Aage ki saari jankari isi number se milegi.

EWS Admission Helpline Number Delhi & Support

Agar aapko ews admission form online delhi bharte waqt koi technical problem aati hai, toh ghabrayein nahi. Aap working hours ke dauran Delhi Govt dwara jari kiye hue iss number par contect karsakte ho:

Helpline Number: 9818154069 Samay: Monday se Friday (Subah 10:00 AM se Shaam 5:00 PM tak).

🚫 Warning: Form me koi bhi jhoothi (false) ya misleading jankari na dalein. Agar verification ke waqt details galat milti hain, toh admission kisi bhi stage par Cancel (Radd) kiya ja sakta hai.

📌 Zaroori Note (Disclaimer): Dhyan rahe, sirf form bharne ya registration karne ka matlab ye nahi hai ki kisi school mein admission ki guarantee mil gayi hai. Admission puri tarah se aage aane wale lottery (draw) par nirbhar karta hai.

FAQs (Aksar Puche Jane Wale Sawal)

👉 Yeh Bhi Padhein: Agar aapke ghar mei beti hai, toh uske sunehre bhavishya ke liye Delhi sarkar ki nayi Delhi Lakhpati Bitiya Yojana 2026 – Pura Process Yahan Padhe