Delhi Labour Card Apply Online 2026: ₹51,000 Scheme and Renewal Process
Delhi Labour Card Kya Hai?
Delhi me kaam karne wale hazaron mazdoor aur workers aise hai jinhe pata hi nahi ki Delhi Sarkar unhe ₹51,000 beti ki shadi ke liye aur children ki padhai ke liye scholarship deti hai. Ye sab milta hai “Delhi Shramik Card” (Labour Card) ke zariye. Agar aap plumber, painter, electrician, guard, ya construction worker hai, toh ye card aapke liye credit card se kam nahi hai. Ye card Delhi Building and Other Construction Workers (DBOCW) board dwara jaari kiya jata hai. Dhyan rahe, ye e-Shram Card se alag hai.
- e-Shram Card: Central Govt ka hai (Sirf accident insurance milta hai).
- Delhi Labour Card: Delhi Govt ka hai (Issme Paisa, Scholarship, Pension sab milta hai).
Is article mein hum aapko batayenge ki Delhi Labour Card kaise banaye, kaise renew kare, documents kya lagenge, aur status kaise check kare.
Labour Card ke Benefits
Delhi Labour Card (DBOCW) ke under registered mazdooron ko 17 alag alag tarah ke fayde milte hai. Har scheme ka amount aur rules neeche di gayi hai:
1. Maternity Benefit (Prasav Suvidha)
Agar mahila worker ko baccha hota hai, toh delivery ke kharche aur aaram ke liye ye amount milta hai.
- Amount: ₹30,000 (2 bacchon tak).
- Kab Milega: Registration ke pehle din se (koi waiting period nahi).
- Documents:
- Bache ka Birth Certificate (Nagar Nigam se).
- Hospital ki Discharge Slip.
- Agar delivery ghar par hui hai: Aaya/Dai ka ID proof aur pregnancy ke dauran check-up ki parchiyan.
2. Miscarriage Support (Garbhpaat Sahayata)
- Amount: ₹3,000
- Kab Milega: Registration ke pehle din se.
- Documents: Doctor ya Hospital ka certificate.
3. Education Scholarship (Padhai Ke Liye Paisa)
Mazdooron ke bacchon ki padhai ka pura kharcha sarkar uthati hai.
- Class 1 se 8: ₹500 mahina (₹6,000 saal).
- Class 9 se 10: ₹700 mahina (₹8,400 saal).
- Class 11 se 12: ₹1,000 mahina (₹12,000 saal).
- Graduation (BA/BSc/BCom): ₹3,000/month.
- ITI Course: ₹4,000 mahina.
- Polytechnic Diploma: ₹5,000/month.
- Professional Course (Engineering/Medical/MBA): ₹10,000/month.
- Documents: School/college ka ID card, fee slip, aur bache ka Aadhaar card.
4. Marriage Grant (Shadi Shagun)
Beti ya bete ki shadi ke liye aarthik madad.
- Amount:
- ₹51,000 (Agar beti ki shadi hai ya mahila worker ki khud ki shadi hai).
- ₹35,000 (Agar bete ki shadi hai ya purush worker ki khud ki shadi hai).
- Condition: Member bane hue kam se kam 3 saal pure hone chahiye.
- Documents: Shadi ka Card (Original), Dulha-Dulhan ka Age Proof, Marriage Certificate, Shadi ki photo.
5. Old Age Pension (Budhapa Pension)
- Amount: ₹3,000 har mahine.
- Kab Milega: 60 saal ki umar puri hone ke baad.
- Bonus: Har saal pension mein ₹300 ki badhotri (increase) hoti rahegi.
6. House Purchase/Construction (Ghar Banane Ka Paisa)
Apna ghar khareedne ya banane ke liye advance (jo wapas karna pad sakta hai).
- Amount: ₹3 Lakh se ₹5 Lakh.
- Condition: Member bane hue 3 saal ho chuke ho.
- Documents: Zameen ke kagaz, naksha (map), aur affidavit.
7. Tools Loan & Grant (Auzaar Khareedne Ke Liye)
- Grant (Free Paisa): ₹5,000 (Har 5 saal mein ek baar milta hai tools khareedne ke liye). Iske liye 3 saal purana member hona zaroori hai.
- Loan: ₹20,000 tak ka loan bhi le sakte hain (Agar umar 55 saal se kam ho).
8. Disability Pension (Viklangta Pension)
Agar kaam ke dauran ya kisi bimari (Paralysis, TB, accident) se worker permanent viklang ho jaye.
- Amount: ₹3,000 mahina pension + ₹1,00,000 (Ek musht amount).
- Documents: Sarkari doctor ka disability certificate.
9. Death Benefit (Mrityu Sahayata)
Agar registered worker ki maut ho jati hai, toh parivar (nominee) ko ye rashi milti hai.
- Natural Death: ₹1,00,000 (Ek Lakh).
- Accidental Death: ₹2,00,000 (Two Lakh).
- Documents: Death Certificate. (Accident ke case mein FIR aur Post Mortem report zaroori hai).
10. Funeral Assistance (Daah Sanskar)
Antyeshti ke kharche ke liye turant madad.
- Amount: ₹10,000
- Documents: Maut ka saboot/Raseed.
11. Medical Assistance (Ilaj Ka Kharcha)
Agar worker hospital mein admit hota hai (5 din se zyada).
- Amount: ₹2,000 (Pehle 5 din ke liye) + ₹200 rozana (Maximum ₹10,000 tak).
- Documents: Hospital discharge slip aur dawaiyon ke bill.
12. Family Pension
Worker ki maut ke baad, uske pati/patni (spouse) ko pension milti hai.
- Amount: Worker ki pension ka 50% ya ₹1,000 (jo bhi zyada ho).
13. Free Bus Pass (Yatra Pass)
Delhi Labour card holders ko DTC aur Cluster buses mein safar karne ke liye Muft Bus Pass milta hai.
💡 Pro Tips for Apply (Dhyan De)
- Waiting Period: Kuch schemes (jaise Shadi aur Tools Grant) ke liye aapka card 3 saal purana hona zaroori hai. Lekin Health aur Education benefits day 1 se milte hai.
- Renewal: Agar aapne card renew nahi karwaya (₹20 dekar), toh ye benefits ruk jayenge. Isliye hamesha card active rakhe.
- Bank Account: Jo bank account aapne form mein diya hai, wo chalu hona chahiye, kyunki paisa seedha usi mein aayega (DBT).
Labour Card Delhi Eligibility
Ye sabse important sawal hai. Sirf wahi log apply kare jo in kamo me shamil hai, aur jink age 18 se 65 ke beech hai. Neeche table check kare:
| Category | Kaam (Profession) |
| Construction | Raj Mistri, Beldar, Helper, Coolie |
| Finishing | Painter, Whitewasher, POP Worker |
| Technical | Electrician, Plumber, Fitter, Welder |
| Wood/Iron | Carpenter (Badhai), Blacksmith (Lohar) |
| Others | Security Guard (Construction site), Tiles Fitter, Marble Polisher |
Documents Required for Delhi Labour Card
Form bharne se pehle ye documents scan karke phone me rakh le:
- Aadhaar Card (mobile number link hona chahiye).
- Bank passbook (Khud ka account).
- Passport Size Photo.
- 90 Days Work Certificate (Sabse Zaroori): Aapko proof dena hoga ki aapne pichle 1 saal mein 90 din construction ka kaam kiya hai.
- Kaise banega? Jahan kaam kiya hai wahan ke Thekedar/Contractor se likhwa le, ya apni Construction Union se verify karwaye.
Delhi Labour Card ke liye Apply Kaise Kare? (Step by Step)
Ab Cyber Cafe jakar 1000 rupees dene ki zaroorat nahi. Aap khud apply kar sakte hai:
Step 1: Official Website DBOCWWB par jaye.
Step 2: New Registration me”Register Now” par click karke Aadhaar card number, name as on Aadhaar, mobile number, and Date of birth, and set a new password, and choose your gender.
Step 3: Full name, parents’ names, mobile number, email ID, passport-size photo, 4-second ki video record karke upload kare, wife’s details, and full address enter kare.
Step 4: Yaha apko choose karna hai ki aap kya kaam karte hai, apne current aur pichle malik ki jankari, and ek saal me 90 days work ka proof bhi lagana hai.
Step 5: Baccho ki scholarship ke liye inki details fill kare.
Step 6: Apna chalu Bank Account number aur IFSC code dhyan se bharein (Paisa isi me aayega).
Step 7: Upload all the required documents.
Step 8: Application ki 25 rupee fee pay kare..
Purane Users (Old Members): Agar aap e-District portal par pehle se registered hai, toh “New Registration” na kare. Aapko apna purana data naye portal par sirf “Migrate” karna hai.
⚠️ Labour Card Form Reject Kyun Hota Hai? (3 Mistakes)
Aapka Labour Card reject ho sakta hai agar:
- Bank Name Mismatch: Bank account me naam aur Aadhaar me naam alag hai (spelling mistake).
- Blurry Photo: Agar self video ya photo saaf nahi hai.
- 90 Days Proof: Agar Thekedar ka number verify nahi hua toh form cancel ho jata hai.
Delhi Labour Card Renew Kaise Kare 2026
Delhi Labour card sirf 1 saal ke liye valid hota hai. Isse time par renew karwana zaroori hai, warna benefits ruk jayenge aur card se labh nahi utha payege.
- Renewal Fee: Only ₹20 per year.
- Process: Renew process bahut easy and same hai, pahle DBOCWWB ki site par jakar Renewal ke section me “Renew Membership” par click kare
- Apna ID password dal kar login karle.
- Aapki complete details waha already available hogi; just aapko apna latest photo and 4 second ka live video upload karna hoga.
- next step me apne kaam aur jiiss ke pass kaam karrahe uski information de saath hi 90 days ka work proof, theek waise hi jaise aapne new labour card banate waqt diya tha.
- Baqi sari details prefilled hogi and documents bhi pahle se uploaded hoge. bas apna new work proof upload kare, 20 rupee fee pay karke, otp dalte hue apna renew application complete kare.
Final Word:
Dosto, Delhi Labour Card sirf ek kagaz nahi, balki mazdoor parivar ki suraksha ki guarantee hai. Chahe beti ki shadi ke liye ₹51,000 ho ya bacchon ki Scholarship, ye card har mod par kaam aata hai.
Kya aapki beti school jati hai? Toh Labour Card ke saath saath Delhi Lakhpati Bitiya Yojana ka form bhi zaroor bhare, jisme sarkar beti ke naam par ₹1 Lakh tak jama kar rahi hai.
Agar aapko form bharne me koi dikkat aa rahi hai, toh neeche comment karke puche. Hum apki madad zaroor karege!
