Vidhwa Pension Delhi Yojana Full Guide (₹2500/Month)

Parivar me bread earner ki death hojati hai to bahut zyada dukh hota hai, khass kar Husband ki death hojaye to patni ke pass koi sahara baqi nahi rahta, issko apni aur apne baccho ki fikr satati hai. Delhi sarkar mahilaon ke samman aur aarthik madad ke liye bahut sii shandar schemes chalati hai. Inme se sabse zaroori aur madadgaar yojana hai Delhi Widow Pension Scheme (Vidhwa Pension Yojana) jo special vidhwa mahilao ke liye launch ki gayi hai.

Aksar dekha gaya hai ki pati ke nidhan ke baad mahilaon ko aarthik pareshaniyon ka samna karna padta hai. Isi pareshani ko khatam karne ke liye Delhi sarkar iss scheme ke through aisi mahilaon ko har month ₹2500 (₹30,000/Yearly) ki financial aid seedhe unke bank account me transfer kar deti hai.

Agar aap ya aapke aas paas koi aisi mahila hai jinhe iss pension ki zaroorat hai aur veh iss scheme ke liye eligible hai toh iss article ko dhyan se padhe. Aaj hum aapko batayege ki iske liye Online Apply kaise kare, Eligibility kya hai, aur apply karne ke baad approval ka Status kaise check kare.

Zaroori Jankari: Agar aapke bache chhote hai aur school jane layak hai, toh aap unki private school me FREE padhai ke liye Delhi EWS Admission 2026 ka form bhi zaroor bhare.

Widow Pension Delhi Scheme 2026

Form bharne se pehle iss yojana ki kuch mukhya baate yaha dekh lijiye:

Feature (Suvidha)	Details (Jankari)
Yojana Ka Naam	Delhi Widow Pension Scheme 2026
Vibhag (Department)	Women & Child Development, Delhi Govt.
Aarthik Madad	₹2500 har mahine (₹30,000/year)
Apply Karne Ka Tarika	Online (e-District Delhi Portal)
Aayu Seema (Age Limit)	18 se 59 saal tak
Official Website	edistrict.delhigovt.nic.in

Eligibility Criteria, Kon Kon Apply Kar Sakta Hai?

Iss pension ka labh uthane ke liye Delhi sarkar ne kuch rules banaye hai. Apply karne wali mahila ko ye sharte puri karni hogi:

Age: Mahila ki aayu 18 se 59 saal ke beech honi chahiye. (Note: 60 saal pure hone ke baad ye apne aap ‘Old Age Pension’ me badal jati hai).
Residence: Mahila pichle 5 saalo se Delhi ki sthayi niwasi; permanent resident honi chahiye.
Income: Pariwar ki total saalana aay (Annual Income) ₹1,00,000 se zyada nahi honi chahiye.
Identity: Mahila ke paas Delhi ka Aadhaar Card and Voter ID hona mandatory hai.

Apply karne Ke Liye Required Documents

Online form bharne se pehle apne paas ye sabhi documents ki clear photo taiyar rakhe, (make sire kare ki har document ki size 200kb se kam ho):

Pati ka Death Certificate (Mrityu Praman Patra).
Mahila ka Aadhaar Card aur Voter ID Card.
Aay Praman Patra (Income Certificate). 1 lakh se kam honi chahiye.
Bank Account Passbook ki front page ki photo, with last transaction statement. (Bank account Aadhaar se link hona chahiye).
Mahila ki ek Passport size photo.
Pichle 5 saal ka Delhi Address proof (Jaise purana bijli ka bill, gas connection, ya voter ID).
Self Declariation Form (Form bharte waqf ye website par hi mil jayega, isko download karke apni details fill karke uoload karna hoga).

Delhi Vidhwa Pension Apply Online (Step-by-Step Full Guide)

Aapko kisi agent ko paise dene ki zaroorat nahi hai. Aap apne mobile ya laptop se seedhe e-District Delhi Portal par apply kar sakte hai:

Website Par Jaye: Sabse pehle Delhi sarkar ki official website edistrict.delhigovt.nic.in par jaye.
New Registration: Agar aap pehli baar is site par aaye hai, toh right side me “New User” par click kare aur apna Aadhaar dalkar register kare. Aapko ek User ID aur Password milega.
Login Kare: Apni User ID aur password dalkar portal me login kare.
Scheme Select Kare: Upar menu me “Services” par click kare. List me “Women and Child Development” par click kare then “Delhi Pension Scheme to Women in Distress” select kare.
Form Bhare: Apni saari jankari (Naam, Address, Bank details) sahi sahi bhare.
Documents Upload: Jo documents humne upar bataye hai, unhe ek-ek karke upload kare.
Submit & Print: Pura form check karne ke baad ‘Submit’ dabaye, otp daal kar Aapko ek Application Number milega, jiski receipt aap print kar sakte hai ya screenshot le sakte hai.
Phir aapko khud se (Inperson) saare original documents lekar apne distric offic e visit karna hoga, waha se aapki aaplication ka approval complete hoga.
neeche aap dekh sakte hi ki kya kya details fill karni hai:

Required Documents

Self Declariation Form

Editor’s Tip: Doston, form bharte waqt dhyan rakhe ki aapka bank account NPCI (Aadhaar Seeding) se link ho. Aajkal sarkar DBT (Direct Benefit Transfer) ke jariye paisa bhejti hai. Agar Aadhaar link nahi hoga, toh pension aane me dikkat ho sakti hai!

Application Status Kaise Check Kare?

Form bharne ke kuch dino baad aap online check kar sakte hai ki aapki pension pass hui ya nahi, normally 30 to 45 days lagte hai application approve hone ke liye:

e-District website ke home page par jaye.
Right side me “Track Your Application” wale option par click kare.
Apna Department, Scheme name, aur apna Application Number dale.
“Search” par click karte hi aapke samne status aa jayega ki form ‘Pending’ hai, ‘Approved’ hai ya koi document kam hai.

Q1: Vidhwa pension Delhi me kitni milti hai?

Ans: Delhi sarkar is yojana ke tehat har mahine ₹2500 ki aarthik madad karti hai.

Q2: Kya Delhi widow pension ke liye income certificate zaroori hai?

Ans: Haan, ye sabit karne ke liye ki aapki saalana aay ₹1,00,000 se kam hai, income certificate ya BPL/AAY Ration Card dena zaroori hota hai.

Q3: Pension ka paisa kis din aata hai?

Ans: Aam taur par pension ka paisa har mahine ke pehle ya dusre hafte me mahila ke Aadhaar-linked bank account me seedha aa jata hai.

Q4: Agar mera form reject ho jaye toh kya karun?

Ans: Agar form reject hota hai, toh status check karne par wahan “Reason” likha hota hai (jaise koi document clear nahi hai). Aap us kami ko pura karke dubara apply kar sakte hai.

Conclusion

Doston, Delhi Vidhwa Pension Scheme aisi mahilaon ke liye ek bada sahara hai jinhe sach me madad ki zaroorat hai. Agar aap eligibility puri karti hai, toh aaj hi apne form ke liye apply kare.

Agar form bharne me koi dikkat aa rahi ho, ya aapka koi sawal ho, toh neeche Comment karke zaroor bataye. Hum aapki madad karne ki puri koshish karege!