Jai Bhim Mukhyamantri Pratibha Vikas Yojana 2026: Delhi में FREE IAS/NEET कोचिंग कैसे पाएं?
Kya aap apne bacche ko IAS, Doctor (NEET), Engineer (JEE), ya kisi badi sarkari naukri me dekhna chahti hai, lekin coaching ki lakho rupaye ki fees aade aa rahi hai? Agar aap Delhi ki nivasi hai, toh ab aapko bilkul pareshan hone ki zaroorat nahi hai!
Delhi Sarkar ki Jai Bhim Mukhyamantri Pratibha Vikas Yojana ke tahat EWS, SC, ST aur OBC varag ke bacchon ko Delhi ke top institutes mei 100% Free Coaching di jati hai.
🚨 BREAKING UPDATE: Ab Apni Pasand Ki Coaching Chunein!
Pehle sirf sarkar ki list wale institutes me hi free coaching milti thi. Lekin ab sarkar ne sabse bada badlaav kiya hai:
- Sarkari List (Empanelled): Aap sarkar dwara chune gaye institutes (jaise KD Campus, Sachdeva Colleges aadi) me direct free admission le sakte hai.
- Apni Pasand Ki Coaching (Non-Empanelled): Agar aapka baccha kisi aisi private coaching me padhna chahta hai jo sarkar ki list me nahi hai, toh wo wahan bhi admission le sakta hai! Sarkar tay ki gayi limit ke hisaab se aapki fees aapko wapas (reimburse) kar degi.
Is Yojana Ke 2 Sabse Bade Fayde (Benefits)
- Free Coaching / Fee Waapsi: Coaching fee ya toh direct institute ko de di jayegi, ya phir aapko reimburse kar di jayegi.
- ₹2,500 Har Mahine Stipend: Coaching jaane wale bacchon ko aane jaane aur kharche ke liye sarkar har mahine ₹2500 sidhe unke bank account me transfer karegi.
Kin Courses Ke Liye Milti Hai Free Coaching?
Sarkar ab in sabhi bade exams ke liye free coaching de rahi hai:
- UPSC (IAS/IPS), State Civil Services, aur SSC.
- Medical (NEET) aur Engineering (JEE/GATE).
- Banking, MBA, aur MCA ke entrance exams.
- Defense Forces: NDA, CDS, AFCAT.
- Technical Posts: IES, A.E., J.E..
Kaun Apply Kar Sakta Hai? (Eligibility Criteria)
Is scheme ka fayda lene ke liye aapke bacche ko yeh sharte poori karni hogi:
- Category: Baccha Delhi ka resident hona chahiye aur SC, ST, OBC, ya EWS category se hona chahiye.
- Schooling: Bacche ne apni 10th aur 12th class Delhi ke hi kisi school se paas ki ho.
- Income Limit (Naya Niyam): Parivar ki kul salana aay (Annual Family Income) ₹8 Lakh tak honi chahiye.
Form Bharne Ke Liye Zaroori Documents
- Caste Certificate (SC/ST/OBC) ya EWS Certificate.
- Income Certificate (Aay Pramaan Patra) jo competent authority se bana ho.
- 10th aur 12th class ki Marksheets (Kyunki agar seats kam huin toh selection inhi marks ki merit ke aadhar par hoga).
Free Coaching Ke Liye Apply Kaise Kare?
Apply karne ke do tarike hai:
- Empanelled Institutes Ke Liye: Aap seedha list me diye gaye coaching institute me jakar prescribed format me apply kar sakte hai.
- Non-Empanelled (Apni pasand) Institutes Ke Liye: Aapko ek form bharkar envelope me dalna hoga. Envelope ke upar bold letters mein “Application for coaching under Jai bhim Mukhyamantri Pratibha Vikas Yojna” likhna zaroori hai. Yeh form aapko newspaper me ad aane ke 30 din ke andar Deputy Director, Vikas Bhawan, New Delhi ke office me jama karna hoga.
Conclusion:
Doston, paise ki kami ko apne bacche ke future ke aade mat aane dijiye. Apne Income aur Caste/EWS documents turant banwa lijiye! Is post ko apne doston aur apni saheliyon ke WhatsApp Group me zaroor share kare taaki unke bacchon ka future bhi ban sake!
